వన్యప్రాణుల రక్షణకు ఎన్‌హెచ్‌-45పై రెడ్‌ రోడ్డు

మధ్యప్రదేశ్‌లోని భోపాల్‌–జబల్‌పూర్‌ జాతీయ రహదారి 45పై వన్యప్రాణుల రక్షణకు ఎన్‌హెచ్‌ఏఐ కొత్త విధానాన్ని ప్రవేశపెట్టింది. వీరాంగన దుర్గావతి టైగర్‌ రిజర్వ్‌ గుండా వెళ్లే మార్గంలో వాహనదారులను అప్రమత్తం చేసేందుకు ఎరుపు రంగులో ఎత్తైన రోడ్డు భాగాలను ఏర్పాటు చేసింది. వాహనాల వేగాన్ని తగ్గించి, జంతువులతో ప్రమాదాలను నివారించడం ఈ చర్య లక్ష్యం.