వన్డే ట్రై సిరీస్ విజేత అఫ్గానిస్తాన్

యూఏఈ వేదికగా జరిగిన వన్డే ట్రై సిరీస్‌ను అఫ్గానిస్తాన్ కైవసం చేసుకుంది. శుక్రవారం ఫైనల్లో జింబాబ్వేపై 7 వికెట్ల తేడాతో విజయం సాధించింది. తొలుత జింబాబ్వే 169 పరుగులకు ఆలౌటైంది. అఫ్గానిస్తాన్ 34.3 ఓవర్లలో మూడు వికెట్లు కోల్పోయి లక్ష్యాన్ని ఛేదించింది. ఇబ్రహీం జద్రాన్ అజేయంగా 70 పరుగులు చేశాడు. రషీద్ ఖాన్‌కు సిరీస్ ఉత్తమ ఆటగాడి అవార్డు దక్కింది.