వైకాపా టికెట్‌ దక్కలేదని అరగుండుతో నిరసన

విశాఖ జీవీఎంసీ ఎన్నికల్లో వైకాపా టికెట్‌ దక్కకపోవడంతో మాజీ కార్పొరేటర్‌ బిపిన్‌ కుమార్‌ జైన్‌ వినూత్న నిరసన చేపట్టారు. బుధవారం డాబాగార్డెన్స్‌లోని 39వ డివిజన్‌లో అరగుండు కొట్టించుకుని రోడ్డుపై భిక్షాటన చేశారు. పార్టీకి విధేయంగా పనిచేసినా టికెట్‌ ఇవ్వలేదని ఆవేదన వ్యక్తం చేశారు. సొంత డబ్బుతో అభివృద్ధి పనులు చేసి అప్పులపాలయ్యానని, స్వతంత్ర అభ్యర్థిగా పోటీ చేసేందుకు కూడా డబ్బులు లేవని తెలిపారు.