తీరానికి చేరాక అర్నబ్ నెమ్మది

అర్నబ్ తుపాను బుధవారం తెల్లవారుజామున నరసాపురం వద్ద తీరం తాకాక వేగం తగ్గింది. గంటకు 17 నుంచి 20 కిలోమీటర్ల వేగంతో కదిలిన తుపాను మూడు కిలోమీటర్లకు నెమ్మదించింది. దీంతో తీరం దాటేందుకు ఆరు గంటలు పట్టింది. ఈ సమయంలో గోదావరి జిల్లాల్లో పెనుగాలులు, ఉత్తరాంధ్రలో కుండపోత వర్షాలు కురిశాయి. భూమిపై ఘర్షణ పెరగడం, పైస్థాయి గాలులు బలహీనపడటంతో వేగం తగ్గిందని వాతావరణ నిపుణులు తెలిపారు.