సరస్వతీ అలంకారంలో భద్రకాళి అమ్మవారు

రాయచోటిలోని శ్రీ భద్రకాళి సమేత వీరభద్రస్వామి దేవస్థానంలో శరన్నవరాత్రులు వైభవంగా కొనసాగుతున్నాయి. ఆరో రోజు శుక్రవారం భద్రకాళి అమ్మవారు సరస్వతీదేవి అలంకారంలో భక్తులకు దర్శనమిచ్చారు. అమ్మవారిని దర్శించుకునేందుకు భక్తులు పెద్ద ఎత్తున తరలివచ్చారు. ఈ సందర్భంగా సరస్వతీదేవి అమ్మవారి చరిత్రను భక్తులకు వివరించారు. అనంతరం భక్తులకు తీర్థప్రసాదాలు అందజేశారు.