సోమందేపల్లిలో ఇసుక ధరలు పైపైకి

సోమందేపల్లి మండలంలో ఇసుక ధరలు పెరగడంతో నిర్మాణ పనులకు ఆటంకం ఏర్పడుతోంది. కొత్తపల్లి క్రాస్‌ వద్ద ఇసుక ట్రాక్టర్ల కోసం ప్రజలు ఉదయం 5 గంటల నుంచే వేచి ఉంటున్నారు. అయితే ట్రాక్టర్‌ ఇసుక ధర రూ.4 వేలు చెబుతుండటంతో పలువురు వెనుదిరుగుతున్నారు. ధరలు అందుబాటులో లేక నిర్మాణదారులు ఇబ్బందులు పడుతున్నారు. అధికారులు స్పందించి ఇసుక ధరలను నియంత్రించి సామాన్యులకు అందుబాటులోకి తీసుకురావాలని ప్రజలు కోరుతున్నారు.