సిరిసిల్లలో పండుగ సాయన్న జయంతి

రాజన్న సిరిసిల్ల జిల్లా సమీకృత కార్యాలయాల సముదాయంలో బీసీ సంక్షేమ శాఖ ఆధ్వర్యంలో గురువారం పండుగ సాయన్న ముదిరాజ్ జయంతి నిర్వహించారు. కలెక్టర్ గరీమ అగ్రవాల్ జ్యోతి ప్రజ్వలన చేసి, సాయన్న చిత్రపటానికి పూలమాల వేసి నివాళులర్పించారు. ఈ సందర్భంగా సాయన్న సేవలను కొనియాడారు. కార్యక్రమంలో డీఆర్డీవో లక్ష్మీనారాయణ, బీసీ సంక్షేమ అధికారి సౌజన్య, సహకార శాఖ అధికారి రామకృష్ణ, ముదిరాజ్ సంఘం ప్రతినిధులు పాల్గొన్నారు.