ర్యాలీ వాయిదా వేయండి.. రాహుల్‌కు వ్యాపారుల సంఘం లేఖ

CEC రాజీనామా డిమాండ్‌తో ఢిల్లీలో నవంబర్ 1న కాంగ్రెస్‌ నిర్వహించనున్న ర్యాలీని వాయిదా వేయాలని వ్యాపారుల సంఘం రాహుల్‌ గాంధీని కోరింది. పండుగల సీజన్‌లో ర్యాలీతో సుమారు ₹10 వేల కోట్ల నష్టం రావచ్చని ఆందోళన వ్యక్తం చేసింది. ట్రాఫిక్ ఆంక్షలు, మెట్రో సేవల్లో అంతరాయంతో చాందినీ చౌక్ సహా ప్రధాన మార్కెట్లపై ప్రభావం పడుతుందని తెలిపింది. నవంబర్ 10న భాయ్ దూజ్ తర్వాత ర్యాలీ నిర్వహించాలని విజ్ఞప్తి చేసింది.