రాయదుర్గంలో 12 స్థానాలకు 11 నామినేషన్లు

రాయదుర్గం మండలంలోని 12 ఎంపీటీసీ స్థానాలకు బుధవారం నామినేషన్ల స్వీకరణ ప్రారంభమైంది. గట్టి బందోబస్తు మధ్య ఎంపీడీవో కార్యాలయంలో మొదటి రోజు 11 నామినేషన్లు దాఖలైనట్లు ఆర్‌వో అమరేశప్ప, ఎంపీడీవో కొండన్న తెలిపారు. వీటిలో టీడీపీ తరఫున 7 మంది, వైసీపీ నుంచి 4 మంది నామినేషన్లు వేశారు. నామినేషన్ల దాఖలుకు మరో రెండు రోజులు మాత్రమే గడువు ఉందని అధికారులు తెలిపారు.