పులుల రక్షణకు గ్రేహౌండ్స్ బృందాలు!

తెలంగాణలోని కవ్వాల్, అమ్రాబాద్ పులుల సంరక్షణ కేంద్రాల్లో గ్రేహౌండ్స్ బృందాలను వినియోగించాలని ప్రభుత్వం యోచిస్తోంది. పులుల రక్షణ, అటవీ సంరక్షణ, వేట నిరోధక చర్యలను బలోపేతం చేసేందుకు రెండు ప్రత్యేక బృందాలను నియమించే ప్రతిపాదన పరిశీలనలో ఉంది. ఈ ప్రతిపాదనకు ప్రభుత్వం సానుకూలంగా స్పందించినప్పటికీ అధికారిక ఉత్తర్వులు అందలేదని జన్నారం అటవీ అధికారి రామ్‌మోహన్ తెలిపారు.