ప్రజా బోరు నీటి అక్రమ విక్రయాలపై ఆరోపణలు

విశ్వనాథ కాలనీలో ప్రజల అవసరాల కోసం ఏర్పాటు చేసిన బోరు నీటిని ప్రైవేటు ట్యాంకర్లకు అక్రమంగా విక్రయిస్తున్నట్లు ఆరోపణలు వస్తున్నాయి. ఒక్కో ట్యాంకర్‌కు రూ.వెయ్యి వరకు వసూలు చేస్తున్నట్లు సమాచారం. గత మూడు నెలల్లో బోరు విద్యుత్తు బిల్లు రూ.1.10 లక్షలు దాటింది. గతంలో నెలకు రూ.2 వేల నుంచి రూ.3 వేల వరకు మాత్రమే వచ్చేది. నీటి ఎద్దడి నేపథ్యంలో ప్రజా బోరు దుర్వినియోగంపై ఆందోళన వ్యక్తమవుతోంది.