పవన్ కల్యాణ్ పేరుతో ఫేక్‌ వాట్సప్ ఛానల్‌

ఏపీ డిప్యూటీ సీఎంవో పేరుతో గుర్తుతెలియని వ్యక్తులు నకిలీ వాట్సప్ ఛానల్ నిర్వహిస్తున్నట్లు కార్యాలయం వెల్లడించింది. తమకు ఆ ఛానల్‌తో ఎలాంటి సంబంధం లేదని ఎక్స్‌ వేదికగా స్పష్టం చేసింది. నకిలీ ఛానల్ ద్వారా తప్పుడు సమాచారంతో ప్రజలను తప్పుదోవ పట్టిస్తున్నారని తెలిపింది. బాధ్యులపై కఠిన చట్టపరమైన చర్యలు తీసుకుంటామని హెచ్చరించింది. నకిలీ సమాచారాన్ని నమ్మవద్దని ప్రజలకు సూచించింది.