పెదపూడి శివాలయంలో శమీపత్ర పూజలు

పెదపూడి ప్రాచీన శ్యామలాంబ సమేత సోమేశ్వర స్వామి ఆలయంలో బుధవారం రాత్రి శమీపత్ర, ఆయుధ పూజలు వైభవంగా జరిగాయి. విజయదశమి మరుసటి రోజు ఈ పూజలు నిర్వహించడం ఆనవాయితీ అని అర్చకుడు వెంకటరావు శర్మ తెలిపారు. పెద్దాపురం సంస్థాన రాజు శ్రీవత్సవ జగపతి మహారాజ్, బుచ్చి సీతయ్యమ్మ దంపతుల ఆదేశాల మేరకు పూజలు నిర్వహించినట్లు చెప్పారు. బాణాలతో జమ్మి పత్రిని కొయ్యగా, భక్తులు పెద్ద సంఖ్యలో పాల్గొన్నారు.