అనుమానాస్పద మృతిపై విచారణ

పుంగనూరు మండలం నేతిగుట్టపల్లికి చెందిన ఆర్‌. మురళీ కార్తీక్‌ (21) మృతిపై అనుమానాలున్నాయని తండ్రి రామసముద్రం పోలీసులకు ఫిర్యాదు చేశారు. దీంతో పోలీసులు గురువారం అంత్యక్రియలు జరిగిన ప్రదేశంలో తవ్వి మృతదేహాన్ని వెలికితీశారు. సీఐ రవినాయక్‌, తహశీల్దార్‌ రాము సమక్షంలో మృతదేహాన్ని శవపరీక్షకు తరలించారు. మృతికి గల కారణాలపై పోలీసులు విచారణ చేపట్టారు.