మహిళల వాష్‌రూమ్‌లో రహస్య ఫోన్

హైదరాబాద్‌ కవాడిగూడలోని పవర్‌గ్రిడ్ కార్యాలయ మహిళల వాష్‌రూమ్‌లో రహస్యంగా అమర్చిన మొబైల్ ఫోన్ కలకలం రేపింది. అక్టోబర్ 13న ఓ ఉద్యోగిని వాష్‌బేసిన్ కింద ఫోన్‌ను గుర్తించారు. వీడియోల చిత్రీకరణకు ప్రయత్నించినట్లు ఆరోపణలు రావడంతో ఫ్లోర్ అటెండెంట్ భరత్‌ను పోలీసులు అరెస్టు చేశారు. ఫోన్‌లోని సమాచారాన్ని వెలికితీసి, ఇతరుల ప్రమేయంపై దర్యాప్తు చేసేందుకు కేసును సిటీ సైబర్ క్రైమ్ పోలీసులకు బదిలీ చేశారు.