మామిడికుదురులో కుండపోత వర్షం

బంగాళాఖాతంలో ఏర్పడిన అల్పపీడన ప్రభావంతో గురువారం ఉదయం నుంచి మామిడికుదురు మండలంలో భారీ వర్షం కురుస్తోంది. దట్టమైన మేఘాలు, ఉరుములు, మెరుపులతో వర్షం పడటంతో ప్రజలు తీవ్ర ఇబ్బందులు పడుతున్నారు. పాఠశాలలు, కాలేజీలకు వెళ్లే విద్యార్థులు ఉదయమే వర్షంతో అవస్థలు ఎదుర్కొంటున్నారు. మరో రెండు రోజుల పాటు భారీ వర్షాలు కురిసే అవకాశం ఉందని అధికారులు హెచ్చరించారు.