కెనడాను విడగొట్టేందుకు అమెరికా యత్నం

కెనడాను ముక్కలు చేసి గుప్పిట్లోకి తీసుకోవాలని అమెరికా యత్నిస్తోందని ప్రధాని మార్క్ కార్నీ ఆరోపించారు. ఆల్బెర్టా కెనడా నుంచి విడిపోవాలా వద్దా అనే అంశంపై సోమవారం ప్రజాభిప్రాయ సేకరణ జరగనున్న నేపథ్యంలో ఆయన ఈ వ్యాఖ్యలు చేశారు. ఆల్బెర్టా కెనడాలోనే కొనసాగాలని ఓటర్లకు కార్నీ పిలుపునిచ్చారు. వేర్పాటుకు ఓటేస్తే ఏళ్ల తరబడి అనిశ్చితి నెలకొంటుందని హెచ్చరించారు.