ఇన్ఫోసిస్ లాభం 6% వృద్ధి.. ₹26 డివిడెండ్

ఐటీ సంస్థ ఇన్ఫోసిస్ జులై-సెప్టెంబర్ త్రైమాసికంలో రూ.7,823 కోట్ల నికర లాభాన్ని ఆర్జించింది. గతేడాది ఇదే త్రైమాసికంతో పోలిస్తే లాభం 6 శాతం పెరగగా, ఆదాయం 11 శాతం వృద్ధితో రూ.49,244 కోట్లకు చేరింది. ఒక్కో షేరుకు రూ.26 మధ్యంతర డివిడెండ్ ప్రకటించింది. నవంబర్ 3ను రికార్డు తేదీగా నిర్ణయించింది. సమీక్షా త్రైమాసికంలో 5.2 బిలియన్ డాలర్ల విలువైన భారీ డీల్స్ దక్కించుకుంది.