గణపర్తిలో తల్లిదండ్రులకు ఘన సన్మానం

మునగపాక మండలం గణపర్తి రామాలయంలో బుధవారం అమ్మానాన్నల సన్మాన కార్యక్రమం ఘనంగా జరిగింది. గ్రామ పెద్ద చదరం నాయుడు, VHP నేత శరగడం పరదేశినాయుడు ఆధ్వర్యంలో 10 మంది వయోవృద్ధులను సత్కరించారు. తల్లిదండ్రుల గొప్పతనాన్ని చాటిచెప్పేందుకు ఏటా ఈ వేడుక నిర్వహిస్తున్నామని పరదేశినాయుడు తెలిపారు. పెద్దలను గౌరవిస్తూ వారి బాటలో నడవాలని విశ్రాంత ప్రొఫెసర్ తులసీరావు సూచించారు.