దేవరగట్టులో అర్ధరాత్రి కర్రల సమరం

కర్నూలు జిల్లా దేవరగట్టులో దసరా బన్ని జైత్రయాత్ర సందర్భంగా అర్ధరాత్రి కర్రల సమరం జరగనుంది. మాళ మల్లేశ్వరస్వామి దేవతామూర్తులను తీసుకెళ్లేందుకు మూడు గ్రామాల భక్తులు ఒకవైపు, ఏడు గ్రామాల భక్తులు మరోవైపు తలపడనున్నారు. ఈ సంప్రదాయ సమరంలో ఏటా పదుల సంఖ్యలో భక్తులు గాయపడుతుంటారు. దీంతో అధికారులు కట్టుదిట్టమైన భద్రతా ఏర్పాట్లు చేశారు. గాయపడినవారికి చికిత్స అందించేందుకు వైద్య శిబిరాలను సిద్ధం చేశారు.