సైబర్ రక్షణకు సెర్ట్-ఇన్ 'ఏఐ వార్ రూమ్

దేశ సైబర్ రక్షణను బలోపేతం చేయడానికి 'సెర్ట్-ఇన్' (CERT-In) ఏఐ ఆధారిత వార్ రూమ్‌ను అందుబాటులోకి తెచ్చిందని ఐటీ శాఖ కార్యదర్శి ఎస్. కృష్ణన్ తెలిపారు. భద్రతా లోపాలను గుర్తించడానికి అధునాతన ఏఐ మోడళ్లను పరీక్షిస్తున్నట్లు పేర్కొన్నారు. సైబర్ దాడులను అరికట్టడానికి నిరంతర నిఘా, సంస్థల మధ్య సమాచార మార్పిడి ఎంతో కీలకమని ఆయన స్పష్టం చేశారు. ప్రభుత్వ వెబ్‌సైట్లలో భద్రతా ప్రమాణాల అమలుపై నిరంతరం సమీక్షిస్తున్నట్లు తెలిపారు.