చేబ్రోలులో పత్రాలు లేని నగదు పట్టివేత

చేబ్రోలు పరిధిలో శుక్రవారం పత్రాలు లేని రూ.4 లక్షల నగదును పోలీసులు స్వాధీనం చేసుకున్నారు. చేబ్రోలు-మంచాల మధ్య ఎస్‌ఐ వీరనారాయణ ఆధ్వర్యంలో తనిఖీలు చేపట్టగా, పొన్నూరు నుంచి గుంటూరు వెళ్తున్న కారులో ఎం. సుధాకర్ నగదు తరలిస్తూ పట్టుబడ్డారు. ఆధారాలు లేకపోవడంతో రెవెన్యూ అధికారుల సమక్షంలో నగదును సీజ్ చేశారు. నగదుకు సంబంధించిన పత్రాలు చూపిస్తే తిరిగి ఇస్తామని అధికారులు తెలిపారు.