బంధువుల బంగారం చోరీ.. కారు పూజకు పిలిచి దొరికిపోయాడు

మహారాష్ట్రలోని కొల్హాపూర్‌లో బంధువుల ఇంట్లో బంగారం చోరీ చేసిన యువకుడు వారినే కొత్త కారు పూజకు పిలిచి పోలీసులకు చిక్కాడు. సమర్‌ పోపట్‌ చవాన్‌ (19) తన అంకుల్‌ ఉమేశ్‌ ఇంట్లో ఆభరణాలు దొంగిలించి విక్రయించాడు. ఆ సొమ్ముతో కారు కొనడంతో ఉమేశ్‌కు అనుమానం వచ్చింది. బంగారం పోయిందని ఆయన ఫిర్యాదు చేయగా, పోలీసులు సమర్‌ను విచారించి చోరీని గుర్తించారు. సమర్‌తోపాటు బంగారం కొన్న వ్యాపారిని అరెస్టు చేశారు.