ఆరు నెలలుగా ఖాళీగా వరంగల్‌ ఏసీపీ పోస్టు

వరంగల్‌ పోలీస్‌ సబ్‌డివిజన్‌లో ఆరు నెలలుగా ఏసీపీ పోస్టు ఖాళీగా ఉండటంపై చర్చ జరుగుతోంది. శాంతిభద్రతల పరిరక్షణ, నేరాల నియంత్రణ, సిబ్బంది పర్యవేక్షణకు పూర్తిస్థాయి అధికారి అవసరమని ప్రజలు అభిప్రాయపడుతున్నారు. కీలకమైన పోస్టును ఇంతకాలం భర్తీ చేయకపోవడానికి కారణాలేంటని ప్రశ్నలు తలెత్తుతున్నాయి. పోలీసు ఉన్నతాధికారులు స్పందించి వెంటనే ఏసీపీని నియమించాలని ప్రజలు కోరుతున్నారు.