సైయెంట్‌ షేర్ల బైబ్యాక్‌: రూ. 720 కోట్ల కేటాయింపు.

సైయెంట్‌ లిమిటెడ్ రూ. 720 కోట్ల విలువైన 64 లక్షల షేర్లను రూ. 1,125 ధరతో బైబ్యాక్ చేయనుంది. కంపెనీ అంతర్గత విలువను మార్కెట్లో ప్రతిబింబించేలా చేసేందుకు ఈ నిర్ణయం తీసుకున్నట్లు యాజమాన్యం తెలిపింది. అలాగే సౌదీ అరేబియాలో కొత్త శాఖను ఏర్పాటు చేయనున్నట్లు సంస్థ ప్రకటించింది. జనవరి-మార్చిలో సంస్థ రూ. 1,953.5 కోట్ల ఆదాయంపై రూ. 65.5 కోట్ల లాభాన్ని ఆర్జించింది. ఒక విఫలమైన లావాదేవీకి సంబంధించిన ఖర్చుల కారణంగా ఈ త్రైమాసికంలో నికర లాభాలు తగ్గాయి.