మార్కెట్లోకి అశోక్ లేలాండ్ 'దోస్త్' ట్విన్ ఫ్యూయల్ (CNG + పెట్రోల్) వేరియంట్.

అశోక్‌ లేలాండ్‌ తన ప్రాచుర్యం పొందిన దోస్త్‌, దోస్త్‌+ఎక్స్‌ఎల్‌ మోడళ్లలో 'ట్విన్‌ ఫ్యూయల్‌' (సీఎన్‌జీ + పెట్రోల్‌) వేరియంట్లను విడుదల చేసింది. రూ. 8.20 లక్షల ప్రారంభ ధరతో అందుబాటులోకి వచ్చిన ఈ వాహనాలు ఇంధన ఎంపికలో డ్రైవర్లకు వెసులుబాటును కల్పిస్తాయి. పశ్చిమాసియా ఉద్రిక్తతలు ఉన్నప్పటికీ జీసీసీ మార్కెట్లలో తమ వాహనాలకు డిమాండ్‌ స్థిరంగా ఉందని సంస్థ తెలిపింది. సరఫరా వ్యవస్థలో కొన్ని అడ్డంకులు ఎదురైనప్పటికీ, భవిష్యత్తులో విద్యుత్ వాహనాల (EV) విక్రయాలు మరింత పుంజుకుంటాయని అశోక్‌ లేలాండ్‌ ఆశాభావం వ్యక్తం చేసింది.