డిజిటల్ జోరు.. రూ.2 లక్షల కోట్లు దాటనున్న భారత ప్రకటనల మార్కెట్!

భారత డిజిటల్ ప్రకటనల మార్కెట్ ఏటా 10-15% వృద్ధితో 2030 నాటికి రూ.2.03 లక్షల కోట్లకు చేరుతుందని రెడ్‌సీర్ నివేదిక అంచనా వేసింది. 2025లో రూ.1.01 లక్షల కోట్లుగా ఉన్న ఈ మార్కెట్, దేశ ఆర్థిక వ్యవస్థ వృద్ధి కంటే వేగంగా దూసుకుపోతోంది. ప్రస్తుతం ప్రపంచ మార్కెట్‌లో అమెరికా (46%), చైనా (24%) అగ్రస్థానంలో ఉండగా, భారత్ వాటా 1 శాతంగా ఉంది. 2030 నాటికి అంతర్జాతీయ మార్కెట్ రూ.111 లక్షల కోట్లను దాటనుండటంతో, మన దేశంలో డిజిటల్ ప్రకటనల రంగానికి భవిష్యత్తులో అపారమైన అవకాశాలు ఉన్నాయి.