టాటా సన్స్‌ను స్టాక్ మార్కెట్‌లో నమోదు చేయాలి; కేంద్రం, ఆర్‌బీఐ నిర్ణయంపై ఎస్‌పీ గ్రూప్ ఆశాభావం.

టాటా సన్స్‌ను స్టాక్ మార్కెట్‌లో లిస్టింగ్ చేయాలని షాపూర్జీ పల్లోంజీ (SP) గ్రూప్ చైర్మన్ షాపూర్జీ మిస్త్రీ మరోసారి పట్టుబట్టారు. ఇది కేవలం నిబంధనల కోసమే కాదని, కార్పొరేట్ పాలనలో పారదర్శకతను పెంచుతూ లక్షలాది మంది మదుపర్లకు లబ్ధి చేకూరుస్తుందని ఆయన అభిప్రాయపడ్డారు. టాటా సన్స్‌లో 18.37 శాతం వాటా కలిగిన ఎస్‌పీ గ్రూప్, ఈ లిస్టింగ్ ద్వారా పారదర్శకత పెరుగుతుందని భావిస్తోంది. అయితే టాటా ట్రస్ట్స్ చైర్మన్ నోయల్ టాటా దీనికి విముఖంగా ఉన్నప్పటికీ, మరికొందరు ట్రస్టీలు సానుకూలంగా ఉండటంతో ఈ అంశం ఇప్పుడు ప్రాధాన్యత సంతరించుకుంది.